ဝိပဿနာတရား အားထုတ်ရပါမည်။

ဒိဋ္ဌိ နှင့် ၀ိစိကိစ္ဆာ တို့ကို အသိနှင့်ဖြုတ်ထားရပါမည်။

ခန္ဓပဋိစ္စသမုပ္ပါဒ် ကို နားလည်ထားရပါမည်။

မဂ်ဥာဏ်၊ ဖိုဥာဏ် ကို ပိတ်ပင်တားဆီးတတ်သောကြောင့်

အလွန်တရာ ခဲယဉ်းပါသည်။ သို့ဖြစ်ပါ၍ မြတ်စွာဘုရားသခင် ကိုယ်တော်မြတ်ကြီးက ဤတရားတွေကို သိအောင် သင်ပေးတတ်သော ဆရာကောင်းတွေကို တွေ့ အောင်ရှာပါ ဟု အခွင့်အခါသင့်တိုင်း မှာကြားခဲ့ပါသည်။

ဝိ ဆိုတာ = အထူး၊ ပဿနာ ဆိုတာ = ရှုတာ။

အာရုံနှင့်ဒွါရ တိုက်ဆိုင်၍ ဖြစ်ပေါ်လာသော ခန္ဓာငါးပါး ရုပ်နာမ်တရားတို့သည် ဖြစ်ပေါ်ပြီးပျက်ဆီးသွားတာ ကိုယ့်အသေလို့ခေါ်ပါသည်။ ရှုဆိုတာ ၎င်းဖြစ်ပေါ်လာသော ရုပ်နာမ်တို့၏ ဖြစ်မှု ပျက်မှု တို့ကို စောင့်ကြည့်နေသော မဂ္ဂင် ၅-ပါး ရှုဥာဏ်တရား (သမ္မာဒိဋ္ဌိ၊ သမ္မာ သင်္ကပ္ပ) ပညာမဂ္ဂင် ၂-ပါး၊ (သမ္မာဝါယာမ၊ သမ္မာသတိ၊ သမ္မာသမာဓိ) သမာဓိမဂ္ဂင် ၃-ပါးနှင့် စောင့်ကြည့်နေခြင်းကို ရှုတာဟု ခေါ်ပါသည်။

၁။ မြင်စိတ်ဆိုတဲ့ တရားကလေးသည် အလိုလိုပေါ်လာတာမဟုတ်၊ မျက်စိနှင့် အဆင်းနဲ့ တိုက်ဆိုင်လို့သာ ပေါ်လာတဲ့ မြင်စိတ်တရားပဲဟု ဥာဏ်ထဲမှာ ပိုင်ပိုင်နိုင်နိုင် ရှင်းရင် ၀ိစိကိစ္ဆာ စင်ပါတယ်။

၂။ ဒီ မြင်စိတ်တရားဟာ နာမ်တရား ၄ - ပါးပဲ၊ ဒီလေးပါးအပေါင်း အစုပဲ၊ ပုဂ္ဂိုလ်၊ သတ္တ၀ါ၊ သူ၊ ငါ၊ ယောက်ျား - မိန်းမ မဟုတ်ပါဘူးဟု အသေအချာ ဥာဏ်ထဲမှာ ပိုင်ပိုင်နိုင်နိုင် ရှင်းရင် ဒီနာမ်သက္ကာယ အပေါ်မှာ အမြင်မှန်ရ၍ သက္ကာယဒိဋ္ဌိ စင်ပါတယ်။

၃။ ဒီဖြစ်ပေါ်လာရတဲ့ တရားသည် မည်သူ့အလိုမှ မလိုက်၊ သူ့သဘောအတိုင်း ဖြစ်ပြီးရင် ပျက်သွားတဲ့တရား၊ မခိုင်မြဲဘူးဟု အသေအချာ ဥာဏ်ထဲမှာ ရှင်းရင် ခိုင်တယ်၊ မြဲတယ်ဟု ယူဆထားတဲ့ သဿတဒိဋ္ဌိ စင်ပါတယ်။

၎။ ဒီလို ဖြစ်ပေါ်လာတဲ့တရား ပျက်ပြီးနောက်၊ တရားတစ်ခု အစားထိုးပြီး ပေါ်လာတာသိရင် ဘ၀ပြတ်တယ်လို့ ယူထားတဲ့ ဥစ္ဆေဒဒိဋ္ဌိ စင်ပါတယ်။

မဟုတ်ပါ။ ၆၂ - ပါးသော ဒိဋ္ဌိရှိပါသည်။ သို့ရာတွင် ၎င်းဒိဋ္ဌိ ၃ - ပါးနှင့် ၀ိစိကိစ္ဆာ များသာ အရေးကြီး၍ ဖော်ပြခြင်း ဖြစ်ပါသည်။

မှတ်ချက်။ ။ဒွါရ ၆-ပေါက်အနက် မျက်စိ၊ နား၊ နှာခေါင်း၊ လျှာ၊ ကိုယ်တို့က ရုပ်ဖြစ်၍ ၎င်းတို့က ၀ိပဿနာရှု၍ မရပါ။ စိတ်(မနော)ကသာ ၀ိပဿနာ ရှု၍ရပါသည်။

ပပဉ္စတရားဖြစ်တဲ့ တဏှာ၊ မာန ဒိဋ္ဌိ (၀ါ) တဏှာ၊ ဥပါဒါန်၊ ကံတွေ လာတဲ့နေရာမှာ ကိလေသာတွေကို သတ်နိုင်တဲ့ လောကီမဂ် အစားထိုးဝင်လာတော့ သံသရာလည်မယ့် တရားများဟာ ခေတ္တခဏ(တရားအားထုတ်ချိန်မှာ) ပြတ်သွား တာပေါ့။ လောကီမဂ် (၀ါ) ၀ိပဿနာမဂ် (၀ါ) ပဉ္ဇင်္ဂီကမဂ် (၀ါ) ပုဗ္ဗဘာဂမဂ် ၀င်နေတဲ့အချိန်မှာ တဏှာလည်းစွန့် ခန္ဓာ လည်း စွန့်နေပါတယ်။

ဒွါရနှင့် အာရုံတိုက်သောအခါ ခင်စရာမြင်ခင်မယ် (တဏှာ) သိပ်ခင်လွန်းအားကြီးတော့ စွဲလန်းမယ် (ဥပါဒါန်) နောက် ဒါကို မရ ရအောင် အားထုတ်မယ်ဆိုတော့ ကမ္မဘ၀ (၀ါ) ကာယကံ၊ ၀စီကံ၊ မနောကံတွေ လာကုန်ရော။ ဒီလို လာကုန်တော့ ပပဉ္စတရားတွေက အောင်မြင်သွားရော။ အောင်မြင်သွားတော့ ဒီဘ၀ ၀ိညာဉ်ချုပ်ပြီးရင် နောက် သူကျူးလွန်ထားတဲ့ ကံတွေအရ သူနဲ့ ထိုက်တန်တဲ့ နောက်ဇာတိတွေ ရပါလေရော။ မုန်းသူ (၀ါ) ရန်သူမြင်တော့ ဒေါပွရော။ ဒေါပွတော့ဒေါသ၊ သောက (စိုးရိမ်ခြင်း)၊ ပရိဒေ၀ (ငိုကြွေးခြင်း)၊ ဒုက္ခ (ဆင်းရဲခြင်း)၊ ဒေါမနဿ (နှလုံးမသာယာခြင်း)၊ ဥပါယာသ (ရှိုက်ကြီးတငင် ပြင်းထန်စွာ ပူပန်ခြင်း)၊ ဆိုတဲ့ ဘေးဆိုးကြီးတွေဖြစ်ကရော။ ဖြစ်တော့ ပဋိစ္စသမုပ္ပါဒ် စက်ရဟတ်ကြီး လည်သွားတာပေါ့။
မှတ်ချက်။ ။
ခင်သူမြင် မရှုရင် - ပဋိစ္စသမုပ္ပါဒ် အလယ်ကနေ လည်ပါသည်။
မုန်းတဲ့လူမြင် မရှုရင် ပဋိစ္စသမုပ္ပါဒ် အဆုံးနားကနေ လည်ပါသည်။ မသိသူမြင် မရှုရင် ပဋိစ္စသမုပ္ပါဒ် အစကနေ လည်ပါသည်။ ခင်ခင်၊ မုန်းမုန်း၊ မသိသိ၊ မြင်တာဟာ မြင်စိတ်ပေါ်တာပဲ။ မြင်စိတ် ဖြစ်ပေါ်တာနဲ့ တစ်ပြိုင်နက် ခန္ဓာ ၅-ပါးဖြစ်တာပဲ။ ဖြစ်ပြီးပျက်သွားတာပဲလို့ ရှုရမှာ မရှုမိရင်တော့ ပပဉ္စတရားတွေက နိုင်သွားတာပေါ့။ အဲဒီလို လည်လည်သွားတော့ မသေခင်ပင် မိမိတို့ရောက်ရမယ့်နေရာ ယခုမသေခင် ဘ၀ကနေ၍ ဆက်သွယ်ထားတာနဲ့ တူနေပါတယ်။ ဥပမာ မော်လမြိုင်က မြိတ် (ဘိတ်) ကို လေယာဉ်ပျံနဲ့ သွားချင်တဲ့သူများ ကြိုတင် လက်မှတ် ယူထားသလိုပါပဲ။

ပဋိစ္စ = အကြောင်းကိုစွဲ၍၊ သံ = ကောင်းစွာ၊ ဥပ္ပါဒ = အကျိုးဖြစ်ခြင်း
ပေါင်းလိုက်တော့ အကြောင်းကိုစွဲ၍ ကောင်းစွာ အကျိုးဖြစ်ခြင်း ဆိုတာကို ပဋိစ္စသမုပ္ပါဒ်ဟု ခေါ်ပါသည်။
သံသရာဆိုတာ သံ = ကောင်းစွာ၊ သရာ =လည်သည်။
(အစဉ်မပြတ် အဖန်တလဲလဲ ဖြစ်ရခြင်းကို ဆိုလိုပါသည်။)

ပဋိစ္စသမုပ္ပါဒ် မသိလို့ဖြစ်တဲ့ ကြောက်စရာကောင်းသည့် ဒိဋ္ဌိတွေ၏ အမည်များမှာ အောက်ပါအတိုင်း ဖြစ်ပါသည်။
(၁) သက္ကာယဒိဋ္ဌိ (၂) သဿတဒိဋ္ဌိ (၃) ဥစ္ဆေဒဒိဋ္ဌိ နှင့် ၀ိစိကိစ္ဆာ တို့ ဖြစ်ပါသည်။

ရှင်းလင်းချက်။ ။
(၁) သက္ကာယဒိဋ္ဌိဆိုတာ ခန္ဓာငါးပါး အပေါင်းအစုကို ပုဂ္ဂိုလ် သတ္တ၀ါ သူ၊ ငါ၊ ယောက်ျား၊ မိန်းမဟု မှားသောအယူ။
(၂) သဿတဒိဋ္ဌိဆိုတာ ခန္ဓာငါးပါး အပေါင်းအစုကို ခိုင်တယ်၊ မြဲတယ်ဟု မှားသောအယူ။
(၃) ဥစ္ဆေဒဒိဋ္ဌိဆိုတာ ဘ၀ပြတ်တယ်ဟု မှားသောအယူနှင့် ၀ိစိကိစ္ဆာ ဆိုတာ သံသယ ရှိခြင်းတို့ ဖြစ်ပါတယ်။

မရှိပါ။

ဒါနတရား၊ သီလတရား၊ သမထတရားများ ရှိကြပါသည်။

ဟောတော့ ဟောခဲ့ပါ၏။ လူ့ ပြည်၊ နတ်ပြည်၊ ဗြဟ္မာ့ ပြည် ရောက်ကြောင်းဖြစ်တဲ့ ထိုတရားများကို ဟောစဉ်၏ ရှေ့ ပိုင်းတရား အနေဖြင့်သာ ဟောခြင်းဖြစ်ပါသည်။ နောက်ပိုင်းကျတော့ ဘုရားရှင်ကိုယ်တော်မြတ်ကြီး အမှန်တကယ် အလိုရှိသော တရားအနေဖြင့် မဂ်ဥာဏ်၊ ဖိုလ်ဥာဏ် ရကြောင်းဖြစ်တဲ့ ၀ိပဿနာ သစ္စာတရားသာ ဟောပါသည်။

သစ္စာတရား ဟောတတ်ပြီး နိဗ္ဗာန်ရောက်ကြောင်း ကောင်းစွာ နားလည်ပြီး နည်းပေးလမ်းပြ လုပ်တတ်တဲ့ ဆရာကောင်း သမားကောင်း ရှာပါ။ တွေ့ရင် ချဉ်းကပ်ပါ။
မှတ်ချက်။ ။ ဆရာကောင်း သမားကောင်း ဆိုသည်မှာ သံသရာပြတ်ကြောင်း သစ္စာတရား ဟော၍ပြတတ်သော ဆရာကောင်း သမားကောင်းတို့ကို ဆိုလိုပါသည်။

ခန္ဓာ၊ အာယတန ဓာတ်တို့ မပြတ်ဖြစ်ခြင်းသည် သံသရာ။
၃၁ - ဘုံဆိုတာ...
၁ - ဗြဟ္မာ ၂၀၊ ၂ - နတ်ပြည် ၆ ထပ်၊ ၃ - လူ့ပြည် ၁ ဘုံ၊ ၄ - ငရဲ တိရိစ္ဆာန် ပြိတ္တာ အသူရကာယ် အပါယ်လေးဘုံတို့ကို ပေါင်း၍ ယူပါလျှင် ၃၁ - ဘုံဖြစ်ပါသည်။ အိုခြင်း၊ နာခြင်း၊ သေခြင်း များ မကင်းပါ၍ ဒုက္ခဘုံကြီး ဖြစ်ပါသည်။ ထိုကြောင့် သစ္စာနှင့် ဖွဲ့ ပြီးပြောလျှင် ဒုက္ခသစ္စာနယ်ဖြစ်ပါသည်။